पुणे : ‘पीएनजी ज्वेलर्स’ने पुण्यातील आपले सहावे दालन हिंजवडी येथे सुरू केले असून या दालनाचे उदघाटन प्रसिध्द अभिनेत्री व माजी मिस युनिव्हर्स सुश्मिता सेन यांच्या हस्ते झाले. या वेळी पीएनजी ज्वेलर्सचे अध्यक्ष व व्यवस्थापकीय संचालक सौरभ गाडगीळ,कार्यकारी संचालक पराग गाडगीळ आदी मान्यवर उपस्थित होते.
हे नवीन दालन २५०० चौरस फूट जागेवर विस्तारले असून येथे तरुण पिढीला आवडतील असे कमी वजनातील सोने व डायमंड ज्वेलरीची विस्तृत श्रेणी आहे. याशिवाय मीनाकारी, जडाऊ, कुंदन व खास यलो गोल्ड डायमंड, समकालीन व चांदीचे दागिने देखील येथे उपलब्ध आहेत.
पीएनजी ज्वेलर्सचे अध्यक्ष व व्यवस्थापकीय संचालक सौरभ गाडगीळ म्हणाले, ‘पीएनजी ज्वेलर्सचा प्रवास पुण्यातून सुरु झाला आणि म्हणूनच पुण्याचे आमच्या हृदयात विशेष महत्त्वाचे स्थान आहे. हा वारसा पुढे चालवत असताना आमचे सहावे दालन पुण्यातील हिंजवडी येथे सुरु होत आहे याचा अत्यंत आनंद होत आहे. हा आमच्या ग्राहकांचा आमच्यावरील विश्वास आहे ज्यांनी पिढ्यानपिढ्या आम्हांस साथ दिली आहे. त्यांच्यामुळेच आम्ही जगभरातील आमचे २६ वे दालन उघडण्यास सज्ज आहोत. आधुनिक काळात विविध उद्योगांमध्ये महिलांची संख्या देखील मोठ्या प्रमाणात वाढत आहे आणि म्हणूनच त्यांच्या दैनंदिन वापरासाठी सुसंगत योग्य अशी हलक्या वजनांच्या दागिन्यांची श्रेणी देखील येथे उपलब्ध असेल.
अभिनेत्री सुश्मिता सेन म्हणाली, ‘अनेक पिढयांपासून लोकांचा विश्वास जिंकलेल्या पीएनजी ज्वेलर्ससारख्या ब्रँडसोबत जोडले जाणे माझ्यासाठी सन्माननीय गोष्ट आहे.एक महिला म्हणून दागिने परिधान करायला मला खूप आवडतात आणि दागिन्यांची आवड असणाऱ्यांसाठी हे एक परिपूर्ण दालन आहे. पीएनजी ज्वेलर्सचे त्यांच्या या यशाबद्दल मी अभिनंदन करते आणि त्यांना पुढील वाटचालीसाठी शुभेच्छा देते.
पीएनजी ज्वेलर्सचे कार्यकारी संचालक पराग गाडगीळ म्हणाले,‘पीएनजी ज्वेलर्स दाजीकाका गाडगीळ यांनी पुण्यात सुरु केले. ग्राहकांना उत्तम दागिने देऊन आणि दररोज जास्तीत जास्त ग्राहकांपर्यत पोहोचून आम्ही आमचा विस्तार सुरू ठेवू’.
